Ticker

6/recent/ticker-posts

John Elia Urdu Poetry on Beauty

Poetry in Urdu 2 Lines

John Elia Poetry in Urdu



گنوائی کس کی تمنا میں زندگی میں نے


گنوائی کس کی تمنا میں زندگی میں نے
 وہ کون ہے جسے دیکھا نہیں کبھی میں نے

 ترا خیال تو ہے پر ترا وجود نہیں
 ترے لیے تو یہ محفل سجائی تھی میں نے

 ترے عدم کو گوارا نہ تھا وجود مرا
 سو اپنی بیخ کنی کی کمی نہ کی میں نے

 ہیں میری ذات سے منسوب صد فسانۂ عشق
 اور ایک سطر بھی اب تک نہیں لکھی میں نے

 خود اپنے عشوہ و انداز کا شہید ہوں میں
 خود اپنی ذات سے برتی ہے بے رخی میں نے

 مرے حریف مری یکہ تازیوں پہ نثار
 تمام عمر حلیفوں سے جنگ کی میں نے

 خراش نغمہ سے سینہ چھلا ہوا ہے مرا
 فغاں کہ ترک نہ کی نغمہ پروری میں نے

 دوا سے فائدہ مقصود تھا ہی کب کہ فقط
 دوا کے شوق میں صحت تباہ کی میں نے

 زبانہ زن تھا جگر سوز تشنگی کا عذاب
 سو جوف سینہ میں دوزخ انڈیل لی میں نے 

 سرور مے پہ بھی غالب رہا شعور مرا
 کہ ہر رعایت غم ذہن میں رکھی میں نے

 غم شعور کوئی دم تو مجھ کو مہلت دے
 تمام عمر جلایا ہے اپنا جی میں نے

 علاج یہ ہے کہ مجبور کر دیا جاؤں
 وگرنہ یوں تو کسی کی نہیں سنی میں نے

 رہا میں شاہد تنہا نشین مسند غم
 اور اپنے کرب انا سے غرض رکھی میں نے


Gavayi Kis Ki Tamanna Mein Zindagi Mein Ne


gavayi kis ki tamanna mein zindagi mein ne
woh kon hai jisay dekha nahi kabhi mein ne

tra khayaal to hai par tra wujood nahi
tre liye to yeh mehfil sajai thi mein ne

tre Adam ko gawara nah tha wujood mra
so apni beekh kinny ki kami nah ki mein ne

hain meri zaat se mansoob sad fasana ishhq
aur aik satar bhi ab tak nahi likhi mein ne

khud –apne ishva o andaaz ka shaheed hon mein
khud apni zaat se Barti hai be rukhi mein ne

marey hareef meri yakka Tareeyion pay Nisar
tamam Umar hlifon se jung ki mein ne

kharaash naghma se seenah chhalla sun-hwa hai mra
fghan ke tark nah ki naghma parwari mein ne

dawa se faida maqsood tha hi kab ke faqat
dawa ke shoq mein sehat tabah ki mein ne

Zubana zan tha jigar soaz tashnagi ka azaab
so jof seenah mein dozakh undail li mein ne

suroor me pay bhi ghalib raha shaoor mra
ke har riayat gham zehen mein rakhi mein ne

gham shaoor koi dam to mujh ko mohlat day
tamam Umar jalaya hai apna jee mein ne

ilaaj yeh hai ke majboor kar diya jaoon
wagerna yun to kisi ki nahi suni mein ne

raha mein Shahid tanha nasheen masnad gham
aur –apne karb anaa se gharz rakhi mein ne



For More John Elia Poetry :

Love Poetry in Urdu Text