Ahmed Faraz Poetry in Urdu

منتظر کب سے تحیر ہے تری تقریر کا

منتظر کب سے تحیر ہے تری تقریر کا

بات کر تجھ پر گماں ہونے لگا تصویر کا

رات کیا سوئے کہ باقی عمر کی نیند اڑ گئی

خواب کیا دیکھا کہ دھڑکا لگ گیا تعبیر کا

کیسے پایا تھا تجھے پھر کس طرح کھویا تجھے

مجھ سا منکر بھی تو قائل ہو گیا تقدیر کا

جس طرح بادل کا سایہ پیاس بھڑکاتا رہے

میں نے یہ عالم بھی دیکھا ہے تری تصویر کا

جانے کس عالم میں تو بچھڑا کہ ہے تیرے بغیر

آج تک ہر نقش فریادی مری تحریر کا

عشق میں سر پھوڑنا بھی کیا کہ یہ بے مہر لوگ

جوئے خوں کو نام دے دیتے ہیں جوئے شیر کا

جس کو بھی چاہا اسے شدت سے چاہا ہے فرازؔ

سلسلہ ٹوٹا نہیں ہے درد کی زنجیر کا

muntazir kab se tahayur hai tri taqreer ka

muntazir kab se tahayur hai tri taqreer ka
baat kar tujh par guma honay laga tasweer ka

raat kya soye ke baqi Umar ki neend urr gayi
khawab kya dekha ke dhadka lag gaya tabeer ka

kaisay paaya tha tujhe phir kis terhan khoya tujhe
mujh sa munkir bhi to qaail ho gaya taqdeer ka

jis terhan baadal ka saya pyaas bhadkata rahay
mein ne yeh aalam bhi dekha hai tri tasweer ka

jane kis aalam mein to bitchrha ke hai tairay baghair
aaj tak har naqsh faryadi meri tehreer ka

ishhq mein sir phorna bhi kya ke yeh be mohar log
juye khoo ko naam day dete hain juye sher ka

jis ko bhi chaha usay shiddat se chaha hai faraz
silsila toota nahi hai dard ki zanjeer ka

For More Ahmed Faraz Poetry :

Broken Heart Poetry in Urdu