Ahmed Faraz Poetry in Urdu

روگ ایسے بھی غم یار سے لگ جاتے ہیں

روگ ایسے بھی غم یار سے لگ جاتے ہیں

در سے اٹھتے ہیں تو دیوار سے لگ جاتے ہیں

عشق آغاز میں ہلکی سی خلش رکھتا ہے

بعد میں سیکڑوں آزار سے لگ جاتے ہیں

پہلے پہلے ہوس اک آدھ دکاں کھولتی ہے

پھر تو بازار کے بازار سے لگ جاتے ہیں

بے بسی بھی کبھی قربت کا سبب بنتی ہے

رو نہ پائیں تو گلے یار سے لگ جاتے ہیں

کترنیں غم کی جو گلیوں میں اڑی پھرتی ہیں

گھر میں لے آؤ تو انبار سے لگ جاتے ہیں

داغ دامن کے ہوں دل کے ہوں کہ چہرے کے فرازؔ

کچھ نشاں عمر کی رفتار سے لگ جاتے ہیں

rog aisay bhi gham yaar se lag jatay hain

rog aisay bhi gham yaar se lag jatay hain
dar se uthte hain to deewar se lag jatay hain

ishhq aaghaz mein halki si khalish rakhta hai
baad mein secron azaar se lag jatay hain

pehlay pehlay hawas ik aadh دکاں kholti hai
phir to bazaar ke bazaar se lag jatay hain

be basi bhi kabhi qurbat ka sabab banti hai
ro nah payen to gilaay yaar se lag jatay hain

کترنیں gham ki jo galiyo mein udi phurti hain
ghar mein le aao to ambaar se lag jatay hain

daagh daman ke hon dil ke hon ke chehray ke faraz
kuch nishaa Umar ki raftaar se lag jatay hain

For More Ahmed Faraz Poetry :

Love Poetry in Urdu Text