Ghalib Poetry in Urdu

ہر ایک بات پہ کہتے ہو تم کہ تو کیا ہے

ہر ایک بات پہ کہتے ہو تم کہ تو کیا ہے

تمہیں کہو کہ یہ انداز گفتگو کیا ہے

نہ شعلہ میں یہ کرشمہ نہ برق میں یہ ادا

کوئی بتاؤ کہ وہ شوخ تند خو کیا ہے

یہ رشک ہے کہ وہ ہوتا ہے ہم سخن تم سے

وگرنہ خوف بد آموزی عدو کیا ہے

چپک رہا ہے بدن پر لہو سے پیراہن

ہمارے جیب کو اب حاجت رفو کیا ہے

جلا ہے جسم جہاں دل بھی جل گیا ہوگا

کریدتے ہو جو اب راکھ جستجو کیا ہے

رگوں میں دوڑتے پھرنے کے ہم نہیں قائل

جب آنکھ ہی سے نہ ٹپکا تو پھر لہو کیا ہے

وہ چیز جس کے لیے ہم کو ہو بہشت عزیز

سوائے بادۂ گلفام مشک بو کیا ہے

پیوں شراب اگر خم بھی دیکھ لوں دو چار

یہ شیشہ و قدح و کوزہ و سبو کیا ہے

رہی نہ طاقت گفتار اور اگر ہو بھی

تو کس امید پہ کہیے کہ آرزو کیا ہے

ہوا ہے شہہ کا مصاحب پھرے ہے اتراتا

وگرنہ شہر میں غالبؔ کی آبرو کیا ہے

har aik baat pay kehte ho tum ke to kya hai

har aik baat pay kehte ho tum ke to kya hai
tumhe kaho ke yeh andaaz guftagu kya hai

nah shola mein yeh karishma nah barq-e mein yeh ada
koi batao ke woh shokh tund khoo kya hai

yeh rashk hai ke woh hota hai hum sukhan tum se
wagerna khauf bad aamozi ado kya hai

chipak raha hai badan par lahoo se pairahan
hamaray jaib ko ab haajat raphoe kya hai

jala hai jism jahan dil bhi jal gaya hoga
kar detay ho jo ab raakh justojoo kya hai

ragon mein dorrtay phirnay ke hum nahi qaail
jab aankh hi se nah tapka to phir lahoo kya hai

woh cheez jis ke liye hum ko ho bahisht Aziz
siwaye baadah gulfaam mushk bo kya hai

pion sharaab agar khham bhi dekh lon do chaar
yeh sheesha o Qadah o koza o subu kya hai

rahi nah taaqat guftaar aur agar ho bhi
to kis umeed pay kahiye ke arzoo kya hai

sun-hwa hai sheh ka musahib phiray hai itrata
wagerna shehar mein ghalib ki aabaroo kya hai

For More Mirza Ghalib Poetry :

Favourite Mirza Ghalib Poetry