Ahmed Faraz Poetry in Urdu

سامنے اس کے کبھی اس کی ستائش نہیں کی

سامنے اس کے کبھی اس کی ستائش نہیں کی

دل نے چاہا بھی اگر ہونٹوں نے جنبش نہیں کی

اہل محفل پہ کب احوال کھلا ہے اپنا

میں بھی خاموش رہا اس نے بھی پرسش نہیں کی

جس قدر اس سے تعلق تھا چلے جاتا ہے

اس کا کیا رنج ہو جس کی کبھی خواہش نہیں کی

یہ بھی کیا کم ہے کہ دونوں کا بھرم قائم ہے

اس نے بخشش نہیں کی ہم نے گزارش نہیں کی

اک تو ہم کو ادب آداب نے پیاسا رکھا

اس پہ محفل میں صراحی نے بھی گردش نہیں کی

ہم کہ دکھ اوڑھ کے خلوت میں پڑے رہتے ہیں

ہم نے بازار میں زخموں کی نمائش نہیں کی

اے مرے ابر کرم دیکھ یہ ویرانۂ جاں

کیا کسی دشت پہ تو نے کبھی بارش نہیں کی

کٹ مرے اپنے قبیلے کی حفاظت کے لیے

مقتل شہر میں ٹھہرے رہے جنبش نہیں کی

وہ ہمیں بھول گیا ہو تو عجب کیا ہے فرازؔ

ہم نے بھی میل ملاقات کی کوشش نہیں کی

samnay is ke kabhi is ki sataish nahi ki

samnay is ke kabhi is ki sataish nahi ki
dil ne chaha bhi agar honton ne junbish nahi ki

ahal mehfil pay kab ahwaal khula hai apna
mein bhi khamosh raha is ne bhi pursish nahi ki

jis qader is se talluq tha chalay jata hai
is ka kya ranj ho jis ki kabhi khwahish nahi ki

yeh bhi kya kam hai ke dono ka bharam qaim hai
is ne bakhshish nahi ki hum ne guzarish nahi ki

ik to hum ko adab aadaab ne piyasa rakha
is pay mehfil mein suraahi ne bhi gardish nahi ki

hum ke dukh ourh ke khalwat mein parre rehtay hain
hum ne bazaar mein zakhamo ki numayesh nahi ki

ae marey abr karam dekh yeh virana jaan
kya kisi dasht pay to ne kabhi barish nahi ki

kat marey –apne qabeeley ki hifazat ke liye
maqtal shehar mein thehray rahay junbish nahi ki

woh hamein bhool gaya ho to ajab kya hai faraz
hum ne bhi mil mulaqaat ki koshish nahi ki

For More Ahmed Faraz Poetry :

Best Urdu Poetry