Ahmed Faraz Poetry in Urdu

دوست بن کر بھی نہیں ساتھ نبھانے والا

دوست بن کر بھی نہیں ساتھ نبھانے والا

وہی انداز ہے ظالم کا زمانے والا

اب اسے لوگ سمجھتے ہیں گرفتار مرا

سخت نادم ہے مجھے دام میں لانے والا

صبح دم چھوڑ گیا نکہت گل کی صورت

رات کو غنچۂ دل میں سمٹ آنے والا

کیا کہیں کتنے مراسم تھے ہمارے اس سے

وہ جو اک شخص ہے منہ پھیر کے جانے والا

تیرے ہوتے ہوئے آ جاتی تھی ساری دنیا

آج تنہا ہوں تو کوئی نہیں آنے والا

منتظر کس کا ہوں ٹوٹی ہوئی دہلیز پہ میں

کون آئے گا یہاں کون ہے آنے والا

کیا خبر تھی جو مری جاں میں گھلا ہے اتنا

ہے وہی مجھ کو سر دار بھی لانے والا

میں نے دیکھا ہے بہاروں میں چمن کو جلتے

ہے کوئی خواب کی تعبیر بتانے والا

تم تکلف کو بھی اخلاص سمجھتے ہو فرازؔ

دوست ہوتا نہیں ہر ہاتھ ملانے والا

dost ban kar bhi nahi sath nibhanay wala

dost ban kar bhi nahi sath nibhanay wala
wohi andaaz hai zalim ka zamane wala

ab usay log samajte hain girftar mra
sakht nadim hai mujhe daam mein laane wala

subah dam chore gaya نکہت Gul ki soorat
raat ko Ghuncha dil mein simat anay wala

kya kahin kitney marasim thay hamaray is se
woh jo ik shakhs hai mun phair ke jane wala

tairay hotay hue aa jati thi saari duniya
aaj tanha hon to koi nahi anay wala

muntazir kis ka hon tooti hui dehleez pay mein
kon aaye ga yahan kon hai anay wala

kya khabar thi jo meri jaan mein ghulla hai itna
hai wohi mujh ko sir daar bhi laane wala

mein ne dekha hai baharon mein chaman ko jaltay
hai koi khawab ki tabeer bitanay wala

tum takalouf ko bhi ikhlaas samajte ho faraz
dost hota nahi har haath milaane wala

For More Ahmed Faraz Poetry :

Poetry in Urdu Copy Paste