John Elia Poetry in Urdu

آپ اپنا غبار تھے ہم تو

آپ اپنا غبار تھے ہم تو

یاد تھے یادگار تھے ہم تو

پردگی ہم سے کیوں رکھا پردہ

تیرے ہی پردہ دار تھے ہم تو

وقت کی دھوپ میں تمہارے لیے

شجر سایہ دار تھے ہم تو

اڑے جاتے ہیں دھول کے مانند

آندھیوں پر سوار تھے ہم تو

ہم نے کیوں خود پہ اعتبار کیا

سخت بے اعتبار تھے ہم تو

شرم ہے اپنی بار باری کی

بے سبب بار بار تھے ہم تو

کیوں ہمیں کر دیا گیا مجبور

خود ہی بے اختیار تھے ہم تو

تم نے کیسے بھلا دیا ہم کو

تم سے ہی مستعار تھے ہم تو

خوش نہ آیا ہمیں جیے جانا

لمحے لمحے پہ بار تھے ہم تو

سہہ بھی لیتے ہمارے طعنوں کو

جان من جاں نثار تھے ہم تو

خود کو دوران حال میں اپنے

بے طرح ناگوار تھے ہم تو

تم نے ہم کو بھی کر دیا برباد

نادر روزگار تھے ہم تو

ہم کو یاروں نے یاد بھی نہ رکھا

جونؔ یاروں کے یار تھے ہم تو

Aap Apna Gubhar Thay Hum To

aap apna gubhar thay hum to
yaad thay yadgar thay hum to

pardaghi hum se kyun rakha parda
tairay hi parda daar thay hum to

waqt ki dhoop mein tumahray liye
shajar saya daar thay hum to

uray jatay hain dhool ke manind
aandhiyon par sawaar thay hum to

hum ne kyun khud pay aitbaar kya
sakht be aitbaar thay hum to

sharam hai apni baar baari ki
be sabab baar baar thay hum to

kyun hamein kar diya gaya majboor
khud hi be ikhtiyar thay hum to

tum ne kaisay bhala diya hum ko
tum se hi mustaar thay hum to

khush nah aaya hamein jie jana
lamhay lamhay pay baar thay hum to

seh bhi letay hamaray taanon ko
jaan mann jaan Nisar thay hum to

khud ko douran haal mein –apne
be terhan nagawaar thay hum to

tum ne hum ko bhi kar diya barbaad
nadir rozgaar thay hum to

hum ko yaaron ne yaad bhi nah rakha
John yaaron ke yaar thay hum to

For More John Elia Poetry :

Love Poetry in Urdu Romantic