Ticker

6/recent/ticker-posts

Sufi Poetry in Urdu

Poetry in Urdu 2 lines

Allama Iqbal Best Poetry in Urdu

جبریل و ابلیس

جبرئیل
 ہمدم دیرینہ کیسا ہے جہان رنگ و بو

 ابلیس
 سوز و ساز و درد و داغ و جستجو و آرزو

 جبرئیل
 ہر گھڑی افلاک پر رہتی ہے تیری گفتگو
 کیا نہیں ممکن کہ تیرا چاک دامن ہو رفو

 ابلیس
 آہ اے جبریل تو واقف نہیں اس راز سے
 کر گیا سرمست مجھ کو ٹوٹ کر میرا سبو
 اب یہاں میری گزر ممکن نہیں ممکن نہیں
 کس قدر خاموش ہے یہ عالم بے کاخ و کو
 جس کی نومیدی سے ہو سوز درون کائنات
 اس کے حق میں تقنطو اچھا ہے یا لاتقنطوا

 جبرئیل
 کھو دیئے انکار سے تو نے مقامات بلند
 چشم یزداں میں فرشتوں کی رہی کیا آبرو

 ابلیس
 ہے مری جرأت سے مشت خاک میں ذوق نمو
 میرے فتنے جامۂ عقل و خرد کا تار و پو
 دیکھتا ہے تو فقط ساحل سے رزم خیر و شر
 کون طوفاں کے طمانچے کھا رہا ہے میں کہ تو
 خضر بھی بے دست و پا الیاس بھی بے دست و پا
 میرے طوفاں یم بہ یم دریا بہ دریا جو بہ جو
 گر کبھی خلوت میسر ہو تو پوچھ اللہ سے
 قصۂ آدم کو رنگیں کر گیا کس کا لہو 
 میں کھٹکتا ہوں دل یزداں میں کانٹے کی طرح
 تو فقط اللہ ہو اللہ ہو اللہ ہو

Jibreel o iblees

jibrael
humdam darina kaisa hai Jahan rang o bo

iblees
soaz o saaz o dard o daagh o justojoo o arzoo

jibrael
har ghari aflaaq par rehti hai teri guftagu
kya nahi mumkin ke tera chaak daman ho raphoe

iblees
aah ae Jibreel to waaqif nahi is raaz se
kar gaya sarmast mujh ko toot kar mera subu
ab yahan meri guzar mumkin nahi mumkin nahi
kis qader khamosh hai yeh aalam be kakh o ko
jis ki نومیدی se ho soaz dron kaayenaat
is ke haq mein تقنطو acha hai ya لاتقنطوا

jibrael
kho diye inkaar se to ne maqamat buland
chasham Yazdan mein firshton ki rahi kya aabaroo

iblees
hai meri jurrat se masht khaak mein zouq numoo
mere ftne jama aqal o khiirad ka taar o po
daikhta hai to faqat saahil se Razm kher o shar
kon tufaan ke tmanche kha raha hai mein ke to
khizar bhi be dast o pa Ilyas bhi be dast o pa
mere tufaan yum bah yum darya bah darya jo bah jo
gir kabhi khalwat muyassar ho to pooch Allah se
qissa aadam ko rangin kar gaya kis ka lahoo
mein khatkata hon dil Yazdan mein kantay ki terhan
to faqat Allah ho Allah ho Allah ho

For More Allama Iqbal Poetry :