Ghalib Poetry in Urdu

ہزاروں خواہشیں ایسی کہ ہر خواہش پہ دم نکلے

ہزاروں خواہشیں ایسی کہ ہر خواہش پہ دم نکلے

بہت نکلے مرے ارمان لیکن پھر بھی کم نکلے

ڈرے کیوں میرا قاتل کیا رہے گا اس کی گردن پر

وہ خوں جو چشم تر سے عمر بھر یوں دم بدم نکلے

نکلنا خلد سے آدم کا سنتے آئے ہیں لیکن

بہت بے آبرو ہو کر ترے کوچے سے ہم نکلے

بھرم کھل جائے ظالم تیرے قامت کی درازی کا

اگر اس طرۂ پر پیچ و خم کا پیچ و خم نکلے

مگر لکھوائے کوئی اس کو خط تو ہم سے لکھوائے

ہوئی صبح اور گھر سے کان پر رکھ کر قلم نکلے

ہوئی اس دور میں منسوب مجھ سے بادہ آشامی

پھر آیا وہ زمانہ جو جہاں میں جام جم نکلے

ہوئی جن سے توقع خستگی کی داد پانے کی

وہ ہم سے بھی زیادہ خستۂ تیغ ستم نکلے

محبت میں نہیں ہے فرق جینے اور مرنے کا

اسی کو دیکھ کر جیتے ہیں جس کافر پہ دم نکلے

کہاں مے خانہ کا دروازہ غالبؔ اور کہاں واعظ

پر اتنا جانتے ہیں کل وہ جاتا تھا کہ ہم نکلے

hazaron khuwaishe aisi ke har khwahish pay dam niklay

hazaron khuwaishe aisi ke har khwahish pay dam niklay
bohat niklay marey armaan lekin phir bhi kam niklay

daray kyun mera qaatil kya rahay ga is ki gardan par
woh khoo jo chasham tar se Umar bhar yun dam badam niklay

niklana Khuld se aadam ka suntay aaye hain lekin
bohat be aabaroo ho kar tre koochy se hum niklay

bharam khil jaye zalim tairay qaamat ki Darazi ka
agar is turah par paich o khham ka paich o khham niklay

magar likhwaye koi is ko khat to hum se likhwaye
hui subah aur ghar se kaan par rakh kar qalam niklay

hui is daur mein mansoob mujh se baadah aashaami
phir aaya woh zamana jo jahan mein jaam jim niklay

hui jin se tawaqqa khastagi ki daad panay ki
woh hum se bhi ziyada khasta tegh sitam niklay

mohabbat mein nahi hai farq jeeney aur marnay ka
isi ko dekh kar jeetay hain jis kafir pay dam niklay

kahan me khanah ka darwaaza ghalib aur kahan waiz
par itna jantay hain kal woh jata tha ke hum niklay

For More Mirza Ghalib Poetry :

Most Famous Quote of Ghalib