Ghalib Poetry in Urdu

کوئی امید بر نہیں آتی

کوئی امید بر نہیں آتی

کوئی صورت نظر نہیں آتی

موت کا ایک دن معین ہے

نیند کیوں رات بھر نہیں آتی

آگے آتی تھی حال دل پہ ہنسی

اب کسی بات پر نہیں آتی

جانتا ہوں ثواب طاعت و زہد

پر طبیعت ادھر نہیں آتی

ہے کچھ ایسی ہی بات جو چپ ہوں

ورنہ کیا بات کر نہیں آتی

کیوں نہ چیخوں کہ یاد کرتے ہیں

میری آواز گر نہیں آتی

داغ دل گر نظر نہیں آتا

بو بھی اے چارہ گر نہیں آتی

ہم وہاں ہیں جہاں سے ہم کو بھی

کچھ ہماری خبر نہیں آتی

مرتے ہیں آرزو میں مرنے کی

موت آتی ہے پر نہیں آتی

کعبہ کس منہ سے جاوگے غالبؔ

شرم تم کو مگر نہیں آتی

koi umeed Bar nahi aati

koi umeed Bar nahi aati
koi soorat nazar nahi aati

mout ka aik din Moueen hai
neend kyun raat bhar nahi aati

agay aati thi haal dil pay hansi
ab kisi baat par nahi aati

jaanta hon sawab taat o Zuhad
par tabiyat idhar nahi aati

hai kuch aisi hi baat jo chup hon
warna kya baat kar nahi aati

kyun nah cheekhon ke yaad karte hain
meri aawaz gir nahi aati

daagh dil gir nazar nahi aata
bo bhi ae charah gir nahi aati

hum wahan hain jahan se hum ko bhi
kuch hamari khabar nahi aati

martay hain arzoo mein marnay ki
mout aati hai par nahi aati

kaaba kis mun se Ghalib jaogye
sharam tum ko magar nahi aati

For More Mirza Ghalib Poetry :

best shayari from Mirza Ghalib