John Elia Poetry in Urdu
سر ہی اب پھوڑیے ندامت میں
سر ہی اب پھوڑیے ندامت میں
نیند آنے لگی ہے فرقت میں
ہیں دلیلیں ترے خلاف مگر
سوچتا ہوں تری حمایت میں
روح نے عشق کا فریب دیا
جسم کو جسم کی عداوت میں
اب فقط عادتوں کی ورزش ہے
روح شامل نہیں شکایت میں
عشق کو درمیاں نہ لاؤ کہ میں
چیختا ہوں بدن کی عسرت میں
یہ کچھ آسان تو نہیں ہے کہ ہم
روٹھتے اب بھی ہیں مروت میں
وہ جو تعمیر ہونے والی تھی
لگ گئی آگ اس عمارت میں
زندگی کس طرح بسر ہوگی
دل نہیں لگ رہا محبت میں
حاصل کن ہے یہ جہان خراب
یہی ممکن تھا اتنی عجلت میں
پھر بنایا خدا نے آدم کو
اپنی صورت پہ ایسی صورت میں
اور پھر آدمی نے غور کیا
چھپکلی کی لطیف صنعت میں
اے خدا جو کہیں نہیں موجود
کیا لکھا ہے ہماری قسمت میں
Sar hi ab phodiye nadamat mein
sir hi ab Phodiye nedamat mein
neend anay lagi hai furqat mein
hain daleelen tre khilaaf magar
sochta hon tri himayat mein
rooh ne ishhq ka fraib diya
jism ko jism ki adawat mein
ab faqat aadato ki werzish hai
rooh shaamil nahi shikayat mein
ishhq ko darmia nah lao ke mein
cheekhta hon badan ki usrat mein
yeh kuch aasaan to nahi hai ke hum
ruthte ab bhi hain murawwat mein
woh jo taamer honay wali thi
lag gayi aag is imarat mein
zindagi kis terhan busr hogi
dil nahi lag raha mohabbat mein
haasil kin hai yeh Jahan kharab
yahi mumkin tha itni ujlat mein
phir banaya kkhuda ne aadam ko
apni soorat pay aisi soorat mein
aur phir aadmi ne ghhor kya
chipkali ki lateef sanat mein
ae kkhuda jo kahin nahi mojood
kya likha hai hamari qismat mein
For More John Elia Poetry :
.jpg)
